«Էներգետիկայի մասին» օրենքի քննարկումներ

0 մեկնաբանություն «Էներգետիկայի մասին» օրենքի քննարկումներ գրառման համար Հանդիպումներ

«Էներգետիկայի մասին» օրենքի քննարկումներ

Մարտի 31-ին ԱԺ տնտեսական հարցերի մշտական հանձնաժողովի անդամ Արտաշես Պետրոսյանը նախաձեռնել էր աշխատանքային քննարկում, որի առանցքում էներգետիկ բնագավառի օրենսդրությանը վերաբերող հարցերն էին: Քննարկմանը, ի թիվս պատգամավորների, գործադիր մարմնի պատասխանատուների, ոլորտի մասնագետների մասնակցում էր նաև Ֆրիներջի ընկերության ներկայացուցիչը:

Նախատեսվում է փոփոխություններ եւ լրացումներ կատարել «Էներգետիկայի մասին» եւ հարակից մի շարք օրենքներում: «Էներգետիկայի մասին» օրենքում առաջարկվող փոփոխությունը վերաբերում է էներգաարտադրող տեղակայանքների հզորության չափի բարձրացմանը: Նախագծի հեղինակ Արտաշես Պետրոսյանի տեղեկացմամբ՝ առաջարկվում է էներգաարտադրող տեղակայանքների հզորության գործող 500 կՎտ շեմը բարձրացնել մինչեւ 2մՎտ-ի՝ որոշակի սահմանափակումներով: Մասնավորապես, առաջարկվում է սահմանել, որ մինչեւ 1 տարվա գործունեություն ծավալած իրավաբանական անձինք կարող են տեղադրել ոչ ավելի, քան 500 կՎտ հզորությամբ տեղակայանք, իսկ 1 տարուց ավելի գործունեություն իրականացնող իրավաբանական անձինք՝ ոչ ավելի, քան 2 մՎտ հզորությամբ տեղակայանք՝ հաշվի առնելով նրանց նախորդ տարվա սպառած էլեկտրաէներգիայի ծավալները:

Հեղինակի խոսքով՝ նախաձեռնության նպատակը տնտեսվարողների համար էլեկտրաէներգիայի մատչելիության ապահովումն է, ինչն իր հերթին կնպաստի տնտեսության աշխուժացմանը: